Wasiirka Arrimaha Dibadda ee Jamhuuriyadda Federaalka Soomaaliya, Danjire Axmed Macallin Fiqi, ayaa ka hadlay dhacdo naxdin leh oo ka dhacday agagaarka Nosy Iranja ee dalka Madagascar. Waxa uu daboolka ka qaaday in labo doonyood oo ay la socdeen tiro badan oo muwaadiniin Soomaaliyeed ah ay degeen. Doonta koowaad waxaa saarnaa 32 rakaab ah, kuwaas oo 9 ka mid ah ay si naxdin leh ku naf waayeen, halka doontii labaad ay saarnaayeen 38 rakaab ah, iyadoo 15 ka mid ah ay nasiib darro ku naf waayeen.
Wasiirka ayaa tacsi tiiraanyo leh u diray ehelada dadkii ku dhintay, wuxuuna Alle uga baryay dadkii ku dhaawacmay inuu caafimaad deg deg ah siiyo. Waxa uu shacabka u xaqiijiyay in dowladda Soomaaliya ay la shaqeyneyso hey’adaha caalamiga ah ee ay khuseyso si loo xaqiijiyo in kuwa badbaaday ay si nabad ah ku soo laabtaan.
Sidoo kale, Wasiirka ayaa kula dar daarmay dhalinyarada Soomaaliyeed inay garwaaqsadaan khatarta daran ee ka dhalan karta tahriibka. Wuxuu ku nuux-nuux saday khatarta ay leedahay in badda la maro iyo caqabadaha la xiriira safarrada aan badneyn iyo kuwa sharci darrada ah, isagoo ku dhiirri-geliyay dhallinyarada inay mudnaanta siiyaan ammaankooda oo ay fursado ka raadiyaan gudaha dalka.
